HANKO Stempel : Personaliséiert Stempelen an digital Léisungen zu Lëtzebuerg

Baséiert zu Bilschdref, huet sech HANKO Stempel als Referenz zu Lëtzebuerg an der Fabrikatioun vu personaliséierte Stempelen etabléiert. Hanner dëser innovativer Firma steet de Gérant, Sérgio Alves Santos, mat deem mir d’Chance haten eis auszetauschen.

Wéi eng Servicer a Produite bitt HANKO un?

HANKO SÀRL ass spezialiséiert op de Verkaf vu personaliséierte Stempelen, Eis Cliente kënne ganz einfach iwwert eis intuitiv Online-Plattform hir gewënschte Stempele bestellen, déi an eisem Atelier zu Bilschdref hiergestallt ginn a kréien se da bannent 48 Stonnen heem geliwwert.
Parallel dozou bidde mir Servicer un am Beräich vun der Websäite-Kreatioun, besonnesch fir Online-Geschäfter. Dës Offer baséiert op eiser Expertise am Webdesign a riicht sech haaptsächlech u PME.

Wat huet Iech motivéiert, dës Entreprise ze grënnen?

HANKO ass entstanen aus menger Frustratioun iwwert déi almoudesch Gestioun bei mengem viregte Patron, et gouf sech géint all modernen Instrumenter a Verbesserungsvirschlag gewiert, wéi zB eng Websäit fir d’Bestellungen ze vereinfachen. Ugedriwwe vu menger Visioun fir eng modern an op de Client geriichte Firma ze grënnen, hunn ech dës Iddi an d’Realitéit ëmgesat.
An de leschten 9 Joer huet HANKO seng Servicer diversifizéiert a weiderentwéckelt, andeems mir Express-Servicer, Gravuren a Webdesign integréiert hunn.
 

Wat mécht HANKO eenzegaarteg um Marché vun de personaliséierte Stempelen?

HANKO zeechent sech aus duerch seng einfach Online-Plattform, wou mir e grousse Choix u personaliséierbare Stempelen ubidden. D’Produktioun an eisem Atelier garantéiert eng streng Qualitéitskontroll an eng ultra-schnell Liwwerzäit.

Wéivill Leit sinn an Ärer Equipe?

Mir sinn zu zwee: meng Fra an ech. Si huet mech vun Ufank un ënnerstëtzt a spillt eng ganz wichteg Roll an der deeglecher Gestioun vun eiser  Entreprise. Et ass eng richteg Familljenaventure. 

Wien sinn Är Haaptclienten, a wou sëtzen se?

Eis Haaptcliente sinn Entreprisen, vun deenen déi meescht an der Stad Lëtzebuerg baséiert sinn. Dozou zielen och grouss Entitéite wéi POST Luxembourg a CFL, mee och vill Gemengen, Dokteren a kleng a mëttelstänneg Betriber.

Wéi gesäit Är Zukunftsvisioun aus?

Eis Ambitioun ass duebel: Mir wëllen eis weiderhin als Leader am Beräich vu personaliséierte Stempelen etabléieren a gläichzäiteg eis Roll als digital Agence fir PME stäerken. 

HANKO S.à.r.l.
www.hanko.lu
info@hanko.lu
T. 621 574 751