AgriPièces

Wéi ass d’Geschicht vun AgriPièces? 

Mir, d’Marianne an de Romain Weis, hunn AgriPièces 2018 gegrënnt, nodeems en änlecht Geschäft zu Kolpech zougemaach huet. Mir hunn de Stock iwwerholl an eis eege Struktur mat Geschäft, Atelier a Reparaturservice fir grouss Maschinnen opgebaut. D’Offer huet sech séier entwéckelt – haut beschäftege mir 8 Mataarbechter a bidden och villes fir privat Clienten un.

Wat waren d’Grënn fir d’Geschäft z’iwwerhuelen?

Well mir selwer aus der Landwirtschaft kommen, wësse mir wéi wichteg et ass, séier un dat richtegt Ersatzstéck ze kommen. Eist Zil war et, e bewäerte Service an der Regioun ze erhalen an nohalteg weiderzeféieren.

Wat sinn Är Haaptartikelen am Geschäft?

Mir si spezialiséiert op d’Landwirtschaft a verkafe kleng Ersatzdeeler, Material fir Grouss- a Klengdéieren a vill verschidde Motorueleg-Zorten. Dir fannt awer och Gaardemaschinnen (Secateur, Motorsee, Méimaschinn asw) an Aarbechtskleedung bei eis.

Wien zielt zu Ärer typescher Clientèle?

Eis Haaptclientèle kënnt aus der Landwirtschaft. Awer d’Offer fir Privatleit a kleng Betriber ass mat der Zäit och gewuess. 

Bitt Dir och e Reparaturservice?

Jo, mir hunn e groussen Atelier, wou mir Reparaturen u sämtleche Maschinnen ausféieren – Trakteren, Motorseeën, Gaardemaschinnen an aner landwirtschaftlech Ausrëschtung. Mir bidden och e Pannendéngscht (um Feld an doheem), e Klimaanlagen-Check an e Pneueservice inklusiv Montéiere vun de Pneuen op d’Felgen.

Wat ënnerscheet Iech vun aner Geschäfter an der Regioun?

• Mir si 6 Deeg an der Woch op, Méindes-Freides 7-18h a Samschdes 7-17h
• Eng grouss Produktvielfalt – net nëmme fir d‘Landwirtschaft, mee och fir Gaart, Hobbyschrauber a kleng Betriber. 
• Séier Online-Bestellunge mat kuerzen Delaien. 
• Eng grouss Flexibilitéit a Verbindlechkeet – och spontan oder no Feierowend. Wann eppes net do ass, ass et meeschtens den Dag drop disponibel.

Wat huet sech an der Landwirtschaftstechnologie geännert?

D’Digitaliséierung huet och an eiser Branche vill verännert. Präzisiounslandwirtschaft mat GPS an Dronen ass Standard ginn. Mir profitéieren dovun, andeems mir Ersatzdeeler geziilt online fanne kënnen.

Wat sinn déi Ersatzdeeler, déi ëmmer gefrot sinn?

Hydraulikleitungen, Zapwellereparaturen, Schrauwen, Schlësselen, Standarddeeler. D’Clientë wëssen et ze schätzen, dass mir déi meescht Saachen direkt am Stock hunn.

Kontakt:  

AgriPièces 
10, Ellerstrooss 
L-8526 Colpach-Bas 
Tel. 23 62 08 68  
Facebook: AgriPièces