Museum Days 2026 am Kanton Réiden de 16. a 17. Mee 2026

De Weekend vum 16. a 17. Mee maachen dräi vun eise Muséen hier Diere fir de Public op - an dat net nëmme mat engem besonnesche Programm, mee och nach gratis!

Schifermusée zu Uewermaartel

Dir kënnt op eege Fauscht d’Grouf Johanna besichen an bis op -42 m ënnert dem Buedem an d’Welt vun de Leeklëpperten (Aarbechter aus de Schifergrouwen) erofklammen. Zousätzlech gëtt en Escape Game ugebueden. Dëse Weekend ass déi perfekt Geleeënheet, dësen eenzegaartegen a geschichtsträchtege Site mat Famill oder Frënn z’entdecken.

Freet Iech och op Virféierungen an der Schmëtt oder klammt an den Industrie-Zichelchen, fir eng Faart iwwer de Site vun der fréierer Schifergrouf ze maachen. A fir eng Paus anzeleeën, luet de gemittleche BopeBistro op eng Erfrëschung an.

• 16 & 17. Mee : 10h00-18h00
• Musée de l’Ardoise   T. 23 640 141   ardoise.lu  
• Ouni Umeldung.

Kulturmillen zu Biekerech

Am Kader vun de Luxembourg Museum Days 2026 organiséiert d’Kulturmillen een Escape Game. D’Plaze si limitéiert an dowéinst ass et wichteg, dass Dir Iech esou séier wéi méiglech aschreift. 

• Wou: Energie Musée Biekerecher Millen 
• Wéini: Samschdes, 16. Mee  um 14h00 (LU)
• Aschreiwung: info@kulturmillen.lu

Thillenvogtei zu Randschelt

Nieft dem oppene Musée Thillenvogtei, deen d’Liewe wéi virun 100 Joer weist, ginn nach vill aner Aktivitéiten ugebueden. Natierlech ass och fir Iessen a Gedrénks gesuergt. 

• Flammkuchen aus dem Uewen & Grill - Samschdes & Sonndes vun 12-13h30 an de Grill ass op. 
• Floumaart an der Scheier- Samschdes & Sonndes 10-16h
• Brout baken Atelier - Samschdes & Sonndes 10-16h – Verkaf vu frësch gebakenem Brout ab 15h
• Spiller wéi fréier - Samschdes & Sonndes 10-16h
• Kino an der Scheier - Virféierung vun de Kuerzfilmer 
  • A Drive through Time: Samschdes & Sonndes 14h00 
  • Scraps:  Samschdes & Sonndes 18h00 

Ouni Umeldung. 
Méi Info: www.thillenvogtei.lu