Journée de l’histoire locale: 1. Mäerz zu Viichten

E Sonnden, 1.  Mäerz 2026, fënnt zu Viichten an der Sportshal tëscht 10h00 an 18h00 d’Journée de l’histoire locale statt. 
Nieft enge sëllege Stänn vu Muséeën, Geschichtsveräiner, Ahnenforscher, Luxemburgensia, Sammler (Bicher, Timberen, Postkaarten,…), Auteure ginn och dëst Joer rëm dräi Konferenzen ugebueden: 

• de Jean Krier, ënner anerem den Archeolog deen de Viichter Mosaik ausgegruewen huet, kläert eis iwwer d’Réimerstroossen op (14h00-15h00)
• den André Bauler stellt d’Buch vu sengem Papp Pierre Bauler „Beschwerliche Zeiten – Erinnerungen an meine Kindheit im Zweiten Weltkrieg“ vir (15h00-16h00)
• den Erny Kohn, President vum Cercle d’Etudes sur la Bateille des Ardennes (CEBA) weist a kommentéiert de Film „Lager 103 – de Feind am Duerf“ iwwer d’Famill Arendt vu Recken am 2. Weltkrich (16h00-17h00)

Den Entrée ass fräi a fir Iessen a Gedrénks ass gesuergt. 

Dës Journée gëtt organiséiert vun de Viichter a Mäerzeger Geschichtsfrënn asbl a vu Les Amis du Prieuré.