Nei Broschüre vu verschiddene Geschichtsveräiner aus dem Kanton

Souwuel d'Viichter a Mäerzeger Geschichtsfrënn, wéi och d'Kultur a Buergfrënn Useldeng zesumme mat Les Amis du Prieuré d'Useldange, hunn eng nei Broschüre erausginn:

• De Viichter Geschichtsfrënd N°22. Ënnerenaner an dëser Ausgab: déi zwee Töpferiedecher a réimesch Päerdsgeschier-Bijou'en aus Schandel, den Terra Belgica Atelier bei Méchelbuch, de geophysesche Prospektiounsprojet AURORA, d'Kiirch Maria Heimsuchung aus dem Préizerdaul, Postkaarten aus Useldeng, d'Liewensgeschicht vum Adam Even - engem Auswanderer aus Vichten, Loftopnamen aus der fréierer Gemeng Groussbus, a villes méi. Dir kënnt dës Broschüre ënner info@viichtengf.lu fir 25€ bestellen an heemgeschéckt kréien.
• Useldingen - Auf den Spuren seiner Vergangenheit. Op de 64 Säite fannt Dir vill Informatiounen iwwer d'Urspréng vun der Useldenger Buerg, hier Besëtzer, historesch Perséinlechkeete vun Useldeng, den Useldenger Priorat,... Dir kënnt dës Broschüre (aktuell nëmmen op däitsch) fir 10€ an der TouristInfo zu Useldeng kafen.