Journée de l'histoire locale zu Viichten

E Sonnden, de 24. November 2024, hunn d'Viichter a Mäerzeger Geschichtsfrënn zesumme mat "Les Amis du Prieuré d'Useldange" op hir 10. Journée de l'histoire locale zu Viichten invitéiert.

Nieft iwwer 30 Stänn vu Geschichtsveräiner, Muséeën, Ahnenfuerscher, Sammler (Timberen, Postkaarten, Mënzen, ...) a Buchvirstellunge stoungen zwou Konferenzen um Programm. Déi éischt Konferenz war vum Camille Diener zum Thema "Die Gendarmerie Grand-Ducale, eine mehr als 200-jährige Geschichte", an uschléissend ass de Jean Krier op d'réimesch Luxusvillen am westlechen Treverergebitt agaangen.

All Geschichtsinteresséierten ass sécherlech bei dësem villfältege Programm op seng Käschte komm. E grousse Merci geet un d'Viichter a Mäerzeger Geschichtsfrënn a Les Amis du Prieuré d'Useldange fir hire groussen Asaz an d'Organisatioun vun dësem Dag.