Réckbléck op de Summerrallye

Réckbléck op de Summerrallye „De Werwollef am Wëlle Westen“ vum Service Tourisme & Service Vivre Ensemble

Och dëse Summer hu sech nees vill Leit op d'Sich nom Werwollef am Wëlle Westen gemaach! 

Am Ganze waren 115 Participanten dobäi an hunn an de Gemenge vum Wëlle Westen Indizie gesicht, Froe beäntwert a verschidden Aufgabe gemeeschtert.
Mir soen e grousse Merci un all d'Participanten, déi matgemaach hunn!

Ënnert all de Participante konnten sech e puer iwwer flott Präisser aus der Regioun freeën. Op de Fotoe gesitt Dir e puer vun eise gléckleche Gewënner.

Och an Zukunft wäerte mir flott Aktivitéite fir Grouss a Kleng organiséieren, dowéinst stay tuned!