Vëlosummer am Wëlle Westen : 1.-2. August & 8.-9. August

Vëlosummer am Wëlle Westen: 1&2 August  8&9 August 

Och dëst Joer kënnt Dir am Kader vum Vëlosummer een herrleche Vëlostour duerch de ganze Kanton Réiden entdecken. De Parcours ass wärend zwee Weekender op: den 1. an 2. August souwéi den 8. an 9. August, all Kéier vun 8.00 bis 19.00 Auer. 

Offiziellen Depart 

Dëst Joer ginn et zwee offiziell Departen: P&R zu Schweebech an zu Réiden um Parking vum  ALR. Dir kënnt natierlech och iwwerall um Circuit starten.  

Iessen & Gedrénks 

Verschidde Veräiner bidde Restauratioun um Parcours un:  

Groussbus  (1&2 August/ 8&9 August) 

• Spaghetti mat verschiddenen Zoossen 
• Organiséiert vum Agility-Sport Grosbous & Ju-Jitsu Self-Defense du Nord 

Réiden (1&2 August) 

• Gedrénks & Séisses 
• Organiséiert vun der Maartstëmmung Réiden 

Hitten (9. August)  

• Gedrénks & Desserten 
• Organiséiert vun de Schweecherdauler Fraleit 

Locatioun vun E-Biken 

Fir den Tour kënnt Dir een E-Bike bei der Tourist Info zu Useldeng lounen. Eng Reservatioun ass obligatoresch ënnert der Telefonsnummer 28 33 45. 

De Parcours vum Wëlle Westen 

• Distanz: 61,7km 
• Héichtemeter: 800m 

De Parcours verleeft haaptsächlech iwwer Vëlospisten a Feldweeër. Dräi Stroosse si fir den Duerchgangsverkéier gespaart:  

• Groussbus-Gréiwels,  
• Groussbus-Schandel an Heeschpelt – Ueschdref.  

Natierlech bleift den Duerchgang fir Anrainer a Baueren erlaabt. 

De Parcours ass a béid Richtungen ausgeschëldert a kann och mat engem Coursevëlo gefuer ginn. D’Participatioun ass gratis, eng Umeldung ass net néideg an Dir sidd fräi den Tour tëscht 8h00 an 19h00 ze fueren.  

Méi Info

• velosummer.lu 
• Komoot