Réiden mobiliséiert sech fir de Relais pour la Vie

Zënter puer Joer engagéiert den Atert-Lycée Réiden sech fir de Relais pour la Vie fir domat d‘Fondation Cancer Luxembourg ze ënnerstëtzen. 
D‘Editioun vun dësem Joer soll awer méi inklusiv a méi grouss opgezu ginn, an de Lycée wëll déi ganz Communautéit vum Réidener Kanton an engem generatiounsiwwergräifenden Evenement zesummebréngen: d’Schüler vum Lycée gi vun de Kanner vun der Réidener Grondschoul, de Bewunner vum HPPA an de Servicer vun der Gemeng ennerstëtzt.

Rendez-vous fir jiddereen Freides, de 6. Mäerz 2026 vun 12h15 bis 15h um Site vum ALR.  Bedeelegt iech andeems dir en Don maacht oder aktiv op engem vun eise Parcoursen (lafen, trëppelen, Vëlo) matmaacht.

Fir Iessen, Gedrénks a gutt Stëmmung ass de ganzen Dag gesuergt. Zesumme setze mir en Zeeche vu Solidaritéit an Hoffnung am Kampf géint de Kriibs. 

Äert Engagement zielt.