35 Joer Syndicat intercommunal Kanton Réiden – De Film vun der offizieller Feier ass online

35 Joer Syndicat intercommunal Kanton Réiden – De Film vun der offizieller Feier ass online

Am Kader vum 35. Anniversaire vum Syndicat intercommunal Kanton Réiden gouf de 24. Oktober 2025 eng offiziell Feier am Atert Lycée Réiden organiséiert. Dëst bedeitend Evenement huet vill politesch, administrativ a lokal Acteuren zesummebruecht an d’Roll vum Syndikat am Kanton Réiden ënnerstrach.

Ënnert den Éieregäscht waren d’Ministere Léon Gloden, Martine Hansen, Claude Meisch an Éric Thill, Deputéiert aus der Nordregioun, d’Buergermeeschteren an d’Vertrieder vun de Membergemengen, fréier Verantwortlech vum Syndikat, Gemengeréit, d’Personal vun den néng Gemengen, souwéi institutionell Partner a kantonal Servicer.

Um Programm stoung eng Réckbléck op 35 Joer interkommunal Zesummenaarbecht, verschidden Table rondes mat Grënnungsmemberen, den aktuelle Responsabelen, de Ministeren an och Schülerinnen a Schüler vum Atert Lycée Réiden. Dobäi goufen och Froen zur Zukunft diskutéiert:
Wéi kann d’Zesummenaarbecht tëscht de Gemengen nach weider gestäerkt ginn? Wéi bleift de Kanton Réiden eng Pilotregioun am ländleche Raum?

Den  offiziellen Deel vun eiser Feier huet mam traditionellen Uschneide vum Gebuertsdagskuch säin Ofschloss fonnt. Uschléissend huet de Syndikat all d'Gäscht op e Walking Dinner invitéiert, wärend deem sech nach laang an den Owend eran un déi lescht 35 Joer erënnert gouf. 

De Film vun dëser offizieller Feier ass elo op eiser YouTube-Chaîne verfügbar.

Mir invitéieren Iech, d’Highlights vun dësem Jubiläum nach eng Kéier an de Biller ze erliewen.