Nei Broschure fir de 35. Anniversaire vum Syndikat Kanton Réiden

Fir d’Occasioun vum 35. Anniversaire vum Syndikat Kanton Réiden, deen de 24. Oktober zu Réiden gefeiert gouf, ass eng nei Broschür erauskomm. Dës werft e kuerze Réckbléck op d’Entstoe vum Gemengesyndikat a stellt seng Grënnungspäpp vir. Duerno ginn déi wichtegst Etappe vun de leschte 35 Joer duergestallt.

De Lieser kritt och Informatiounen iwwer d’Ziler, de Fonctionnement an déi aktuell Zesummesetzung vu senge Gremien. 

Wat bitt de Syndikat de Bierger aus dem Kanton Réiden haut? D’Äntwert dorop, genee wéi eng Iwwersiicht iwwer aktuell a geplangte Projeten, fannt Dir ab der Säit 24.

D’Broschür kann een online eroflueden oder gratis an all Gemeng vum Kanton Réiden ofhuelen (ab dem 05/11/2025)