E wonnerschéine Vëlosausfluch vu Maartel op Baschtnech

Op Initiative vum Service Mobilité vum Kanton Réiden, hu sech Sonndes, den 13. Juli eng 30 Vëlosfuerer zu Martelange beim Office du Tourisme zesummefonnt, fir déi nei Vëlospist op Baaschtnech kennenzeléieren.  

Dës Streck, déi een Deel vun der EuroVelo-Route 5 ass, déi London mat Roum verbënnt, gouf rezent asphaltéiert a beschëldert. Si féiert duerch déi roueg Däller vun der Sauer an der Strange a verleeft gréisstendeels iwwer déi fréier Eisebunnstrass, déi Baaschtnech mat Maartel verbonnen huet.

Op d’Wieder war Verlooss an esou hu mir bei summerlechen Temperaturen zesummen déi 27 km bis op Baaschtnech zeréckgeluecht. Do war wéinst der Arrivée vum Circuit des Ardennes eng méi lass. No engem gudde Mëttegiessen am Wagon Restaurant Leo, ass et rëm zréck op Maartel gaangen.  

Mir soen alle Participanten e grousse Merci fir d’Matfueren a wënschen all Vëlosbegeeschterten aus eiser Regioun vill Freed beim Entdecke vun dëser flotter Streck!