Update: Chantier Rond-Point Räichel + Deviatioun vun de Buslinnen tëscht Réiden a Räichel

AVIS Gemeng Réiden

Aus organisatoresche Grënn gëtt de Chantier a Phase fir all Circulatioun gespaart:

An der fënnefter Phas ass d’Strooss an d’Direktioun Saeul concernéiert. Ab dem 1. Mee (ab 22:00 Auer) bis viraussichtlech Enn Juni ass d’Strooss gespaart.

An der sechster Phas sinn d’Stroossen an d’Direktioun Osper a Préizerdaul/Iewerleng concernéiert. Hei steet awer nach keen Timing fest.

Fir d’Chantieren an der ganzer Regioun ze koordinéieren, stellen d’Ponts et Chaussées d’Deviatiounen op.

AVIS – Perturbatioun RGTR 2025/237 vum 30.04.2025

Wéinst Stroossenaarbechten ass d’N12 (Rue de Saeul) zu Räichel vum Donneschdeg, 1. Mee 2025 um 22:00 Auer un fir eng onbestëmmten Zäit fir de Verkéier komplett gespaart.

Dofir gi wärend der Dauer vun de Aarbechte follgend Mesuren ergraff:

Linnen 902 a M07

D’Bussen, déi vu Sëll kommen, ginn iwwer de Rond-point Rippweiler ëmgeleet via d’N24 a Richtung Useldeng – lénks op d’N22 a Richtung Iewerleng– da rëm lénks op d’N12 a Richtung Räichel, wou se hiren normale Parcours weiderfueren, an och an déi aner Richtung.

D’Haltestell Räichel-Molkerei gëtt net ugefuer a gëtt duerch d’Haltestell Räichel-Hostellerie ersat.

Linn 911

D’Bussen, déi vu Sëll kommen, ginn iwwer de Rond-point Rippweiler ëmgeleet via d’N24 a Richtung Useldeng – lénks op d’N22 a Richtung Iewerleng – da riets op d’N12 a Richtung Protz, wou se hiren normale Parcours weiderfueren, an och an déi aner Richtung.

D’Uertschaft Räichel gëtt net bedéngt.