D'Linn 903 bleift ab elo och zu Viichten stoen

Mam rezente Fuerplangwiessel, bleift d'Linn 903 elo och zu Viichten, um neie Bus-Arrêt vis-à-vis vum Haus 6, route d'Useldange, stoen. Leider fiert dës Linn net duerch d'Rue Principale, well se vu Groussbus kënnt an op Useldeng weiderfiert. Dowéinst gouf en neien Arrêt direkt um Verlaf vun dëser Buslinn ageriicht, wat bëssi Zäit gebraucht huet.

Esou huet Viichten endlech eng direkt Busverbindung an d'Stad an zréck. Den 903 fiert am Stonnentakt, an huet zousätzlech moies 2 Verstäerkercoursen esou dass en tëscht 5h40 an 7h40 all 30 Minutte fiert. No Viichten fiert d'903 Linn weider op Useldeng, dann op de P&R Schweebech an iwwer d'N12 an d'Stad. 
Dir fannt déi genau Departen am Dokument ënnendrënner.

WICHTEG: Dësen neie Stopp gëtt awer nach net op mobiliteit.lu (Websäit oder App) ugewisen, wëll et ze kuerzfristeg war. Dëst wäert am nächste Fuerplangwiessel am Mee 2025 de Fall sinn.