Bessere Bus-Takt vum P&R Schweebech an d'Stad & zréck

Säit dem Fuerplangwiessel vum 15. Dezember 2024, ass den Horaire vun der 911er Linn ugepasst ginn, fir méi e reegelméissegen Takt tëscht dem P&R Schweebech an der Stäreplaz ze garantéieren. Dëst gëllt virun allem fir d'Stousszäite moies an owes.

Dir fannt sämtlech Departen ab P&R Schweebech a Stäreplaz fir déi 4 Linnen (901, 902, 903, 911) hei ënnendrënner.

Mir wëllen Iech och informéieren, dass déi éischt Erweiderung vum P&R Schweebech vun der Ponts&Chausées lancéiert gouf. Mat der aktueller Unzuel u Parkplaze kënnt de P&R nämlech esou lues u seng Limitten.