Atelier - Eritreeësch Kaffiszeremonie

E Moment vu Gemeinsamkeet, kultureller Entdeckung a Gaaschtfrëndlechkeet

Wousst Dir, datt de Kaffi seng Originnen an Ostafrika huet? Erlieft ee Moment vu Gemeinsamkeet a kultureller Entdeckung. Geflüchte Frae mat eritreeëschen Originnen aus der temporärer Hebergement-Struktur fir Demandeure vun internationalem Schutz vun der Croix-Rouge zu Réiden invitéieren Iech zesumme mam Service Vivre Ensemble vum Syndicat Intercommunal Kanton Réiden, op eng authentesch eritreeësch Kaffiszeremonie.

Bei dësem Atelier entdeckt Dir déi verschidde Schrëtt bei der Virbereedung vun dëser aler Traditioun: vum Réischtere vun de frësch preparéierte Kaffisboune bis zur Degustatioun vum Kaffi.
Vill méi wéi nëmmen e Gedrénks ass de Kaffi an Eritrea e Symbol vu Gaaschtfrëndlechkeet, Begéinung a sozialer Verbindung.

Dëst Evenement bitt d’Geleeënheet, de kulturelle Räichtum, deen d’Bewunnerinnen aus dem Foyer matbréngen, an d’Luucht ze stellen, den interkulturellen Austausch ze fërderen an eng Bréck zu enger besserer Integratioun an eiser Gemeinschaft ze bauen.

Kommt e gemittleche Moment mat eis deelen, entdeckt en eenzegaartegt Wëssen a Kënnen an tauscht Iech bei enger Taass Kaffi aus, deen no eritreeëscher Traditioun preparéiert gëtt.

Plaz: Sall Aula, École primaire, 1, Allés des Tilleuls, L-8508 Redange-sur-Attert
Datum: 30.10.2026
Auerzäit: 18h00-20h00

Méi Informatiounen an Umeldung: vivre-ensemble@kanton-reiden.lu