Musikaleschen Afterwork de 24. September op der Useldenger Buerg

Dëst Joer feiere mir den Dag vun der Lëtzebuerger Sprooch op eng ganz besonnesch Aart a Weis: mat Musek!

De 24. September steet den Haff vun der Useldenger Buerg ganz am Zeeche vun der Lëtzebuerger Musek a Sprooch. Verschidden Interprete presentéiere Lëtzebuerger Lidder vun haut a vu fréier, fir all Generatioun – fir nozelauschteren, erëm ze entdecken an natierlech och fir zesumme matzesangen.

Am eenzegaartege Kader vum Buerghaff kënnt Dir no der Aarbecht e flotten Owend an enger entspaanter a geselleger Atmosphär verbréngen. Fir Iessen a Gedrénks ass natierlech och gesuergt, fir dëse schéinen Owend ofzeronnen.

Eng Umeldung ass net néideg: Kommt einfach de 24. September tëschent 17:00 an 22:00 Auer op d'Useldenger Buerg laanscht.

Kommt lauschteren, sangen a feiert mat eis déi Lëtzebuerger Sprooch a Kultur!