Nocturne an der Réidener Schwämm, de 26. Juni 2026

Freides, de 26. Juni 2026, invitéiert d’Réidener Schwämm Grouss a Kleng op eng Nocturne. Bei dëser Geleeënheet bleiwen d‘Schwämm, d’Brasserie an d‘Sauna ausnamsweis bis Mëtternuecht op.

D’Schwëmmer kënnen d’Bassenge vu 12.00 bis 14.00 a vu 16.00 bis 24.00 Auer notzen, d’Brasserie ëmfänkt d‘Gäscht vun 11.00 Auer bis Mëtternuecht, an d‘Sauna ass vu 14.00 bis 24.00 Auer op a bitt eng ideal Geleeënheet, fir d’Woch entspaant auskléngen ze loossen.

Egal ob fir e puer Längten ënnert dem Stärenhimmel ze schwammen, e gemittleche Moment bei engem gudde Plat a Patt ze genéissen oder sech eng Wellness-Seance an der Sauna ze gënnen – dës Nocturne versprécht eng ganz besonnesch Stëmmung! 

Weider Nocturne si schonn den 31. Juli an den 28. August 2026 virgesinn.

Méi Informatiounen: www.reidener-schwemm.lu