3. Grenziwwerschreidende Vëlostour de 7. Juni 2026

Déi 3. Editioun vum belsch-lëtzebuergeschen, grenziwwerschreidende Vëlostour „L’Attert à vélo sans frontières“ fënnt Sonndes, de 7. Juni 2026 statt. De Start ass beim Cothurne zu Atert an der Belsch (Voie de la Liberté 113, Attert) a ka fräi tëscht 9h30 a 14h00 gemaach ginn, mat engem gemeinsame Start um 10h00. 

De Circuit dëst Joer verleeft iwwer 50 km duerch déi belsch Gemenge vum Parc Naturel de la Vallée de l’Attert a verschidde Gemenge vum Kanton Réiden.  D’Participatioun ass gratis an Dir braucht Iech net anzeschreiwen. Et ass awer wichteg ze wëssen, datt de Parcours net ausgeschëldert ass. Wann Dir d’Ronn ausserhalb vum gemeinsame Start fuere wëllt, musst Dir Är eegen Navigatiounsmëttel benotzen.

Um Startpunkt zu Atert gëtt et e Stand mat Gedrénks a klenger Restauratioun, fir d’Cyclisten an enger flotter, gemittlecher Atmosphär ze empfänken. D’Participante ginn opgefuerdert, sech strikt un d’Verkéiersreegelen an deenen zwee Länner ze halen.

Och e Mëttegiesse gëtt op Reservatioun ugebueden. 

Dëst ëmfaasst en Apéritif, Fleeschbrout mat Gromperen, Speck an Zalot, an eng Glace. De Präis läit bei 25 € fir Erwuessener an 15 € fir Kanner ënner 12 Joer. D’Reservatioune gi per Mail u raphaelgerard1978@gmail.com gemaach, mat Virausbezuelung op de Kont vum COTHURNE (BE94 2670 5016 7914). Als Kommunikatioun sollt Dir Ären Numm, Virnumm an d’Zuel vun de Mëttegiessen (Erwuessener a Kanner) uginn.