Info-Owend fir d’Eltere vun de Schüler aus dem Cycle 4 am Atert-Lycée

Am Kader vum Passage vum Fondamental an de Secondaire organiséiert d’Direktioun vum Atert-Lycée zesumme mat der Direktioun vum Fondamental vun der Regioun Réiden eng Informatiounsversammlung fir d’Eltere vun de Schüler aus dem Cycle 4. Dës Versammlung huet d‘Zil, Iech all néideg Informatiounen iwwer déi verschidde Schoulofferen am ALR an iwwer déi international Offer an anere Lycéeën ze ginn. 

Zousätzlech hutt Dir d’Méiglechkeet, all Är Froen am Zesummenhang mam Passage vum Fondamental an de Secondaire ze stellen. Dobäi sinn d’Direktioun vum ALR, d’Direktioun vum EIMAB (École Internationale Mersch Anne Beffort), d’Regionaldirektioun vum Fondamental souwéi Vertrieder vun der Maison de l’Orientation present.

D’Versammlung fënnt op zwee Datume statt:

• en Dënschden, de 24. Mäerz 2026 um 19 Auer op Lëtzebuergesch
• en Donneschden, de 26. Mäerz 2026 um 19 Auer op Franséisch

Plaz vum Info-Owend:

• Festsall vum Atert Lycée Réiden (1, rue du Lycée, L-8508 Réiden/Atert)

Programm vun der Versammlung:

• Presentatioun vun der Schouloffer vum ALR:
  • Enseignement secondaire classique
  • Enseignement secondaire général
  • Voie de préparation
• Presentatioun vun der internationaler Offer:
  • International Schoulen
  • Englesch- a franséischsproocheg Klassen
• Froen an Äntwerten