Ouschteren am Préizerdaul 2026

Ouschteren am Préizerdaul ass säit laangem DAT Event um Ouschterweekend an eiser Regioun. D’Fest gëtt vum lokale Syndicat d’Initiative organiséiert an huet eng laang Traditioun: säin Ursprong geet zeréck bis an d’Joer 1841 – also viru 185 Joer. Wat fréier als Véi- a Landwirtschaftsmaart ugefaangen huet, ass haut e grousst a villfältegt Ouschterfest mat engem attraktive Programm fir jiddereen.

Och dëst Joer gëtt nees vill gebueden: 

• Karfreiden: D’Amicale vun de Pompjeeë verkeeft wéi gewinnt mëttes hire beléifte gebakene Fësch.
• Samschdes owes: De Club des Jeunes suergt mat enger Ouschterparty (AHOLICS & DJ Mansaari) am gehëtzte Festzelt fir beschte Stëmmung.
• Ouschtersonnden an Ouschterméinden (14.00–18.00 Auer): Konschtausstellung op der Fabrik. Sonndesnomëttes (16.00–21.00 Auer) fënnt en Thé Dansant mat Baggi Ni Doheem statt.
• Ouschterméinden: De groussen Ouschtermaart mat iwwer 40 Stänn, Kiermesbuden, Kanneraktivitéiten a Laserschéissen. Ab 11.30 Auer ginn duerchgoend bis 18.00 Auer Concerten a Line-Dance-Virstellungen am gehëtzte Festzelt zum beschte ginn.

De komplette Programm fannt Dir op der Facebook-Säit „Ouschteren am Préizerdaul“. 

D’Organisateure freeë sech op Äre Besuch!