Op Schatzsich mam Ouschterhues am Wëlle Westen

An der Ouschtervakanz organiséiere mir eng ganz besonnesch Entdeckungstour fir d’Kanner mat hire Familljen: eng Ouschter-Schatzsich op eege Fauscht duerch verschidde Gemengen an touristesch Plazen aus dem Wëlle Westen.

Mat enger Schatzkaart ausgerëscht, maachen d’Kanner sech op de Wee. D’Plaze si just duerch Symboler markéiert. Rätselhaft Beschreiwungen hëllefen hinnen erauszefannen, wou genee si siche mussen, fir dem Ouschterhues seng Rätsel an Aufgaben ze léisen. Dobäi entdecken d’Kanner op spilleresch Aart a Weis de Wëlle Westen.

D’Schatzsich ass kannerfrëndlech opgebaut a kann zu all Moment an der Ouschtervakanz (28.03. – 12.04.) gemaach ginn. Wann all d’Aufgabe geléist sinn, léisst sech d’Schatztru opmaachen an op d’Kanner waart eng lecker Iwwerraschung.

Eng Umeldung ass obligatoresch bis den 26.03 iwwert tourisme@kanton-reiden.lu

Den 27.03 kréien d’Participanten all néideg Dokumenter fir un der Schatzsich deelzehuelen.