Fierkelsmaart 2026: Sonndes, de 29. Mäerz zu Rammerich

De Fierkelsmaart ass mëttlerweil eng richteg Traditioun an der Gemeng Rammerich. De Maart dauert de ganze Sonndeg vun 10:00 Auer bis an d'Nuecht eran an zitt all Joer dausende vu Visiteuren un. 

Och dëst Joer bitt dëse gesellege Maart rëm wäit iwwer 100 Stänn aus de verschiddenste Beräicher, vum Iessen & Gedrénks, regional Produkter an Hobby-Kënschtler. Vill gratis Aktivitéiten an Atelieren, sou wéi lieweg Déiere fir ze kucken wäerten d’Kanner begeeschteren. D’Danzoptrëtter an d’Live Musik stinn natierlech och um Programm. 

Ab 18:00 fënnt op der Gemengeplaz den After-Fierkelsmaart statt.

Den Entrée ass fräi.