Kannerwonschbam 2025

Och dëst Joer huet d’Aktioun Kannerwonschbam erëm eng grouss Solidaritéit gewisen. Dank dem Asaz an der Generositéit vu ville Leit aus eisem Kanton konnten 154 Kaddoen u Kanner verdeelt ginn.

D’Hallschent vun dëse Kaddoe stoung op Stären, déi op de Chrëschtbeemercher an de verschiddene Gemengen opgehaange waren, mat de Wënsch vun de Kanner drop. Déi aner Hallschent konnt duerch déi gesammelt Done kaf ginn.

De Club Mosaik bedankt sech vu ganzem Häerze bei all deenen, déi dës Aktioun ënnerstëtzt hunn. All Geste, egal ob kleng oder grouss, huet dozou bäigedroen, de betraffene Kanner Freed, Trouscht an e Laachen ze schenken.

E grousse Merci un all déi engagéiert Persoune fir hir wäertvoll Ënnerstëtzung an hiert Vertrauen.

De Club Mosaik