Projet JU-SE (Junior-Senior) offiziell gestart

Am Kader vum Zesummeliewen am Kanton Réiden an der Gemeng Mäerzeg gouf de JU-SE Projet den 25. Oktober offiziell gestart.

De Projet zielt drop of, d'intergenerationellt Liewen ze fërderen, d'Isolatioun vu Leit an den Dierfer ze verhënneren an d'Solidaritéit tëscht den Awunner weider ze stäerken, andeems verschidde Méiglechkeete fir Interaktioun a passend Kommunikatiounsmëttel ugebuede ginn.

De Projet ass aus der Initiativ vun der Marianne Wiltgen vu Schweebech entstanen, ënnerstëtzt vun der Gemeng Sëll a finanzéiert vum Ministère fir Famill, Solidaritéit, Zesummeliewen a Flüchtlingsënnerkunft.

Ufank 2026 wäert de Projet duerch Informatiounsowenter, kulturell Soiréen a Formatioune aktiv ginn.