Repair Café zu Ell : 22.November 2025

De Samschdeg, 22. November 2025, vu 14:00 bis 17:00 Auer, sidd Dir häerzlech invitéiert an de Centre Culturel Camille Ney zu Ell (40, Haaptstrooss) fir eng nei Editioun vum Repair Café vum Kanton Réiden.

Wat maache mat engem Toaster, deen net méi waarmt gëtt, äre Kleeder mat engem Lach oder engem defekte Knapp, engem Vëlo deen net méi richteg rullt oder Messeren, déi net méi richteg schneiden? Ewechgeheie  ass net ëmmer d'Léisung. Bréngt Är Saachen einfach mat a probéiert, se zesumme mat eise fräiwëllege Reparairer ze flécken.

NEI: Atelier fir informatescht Material 

E spezialiséierten Atelier fir informatescht Material. Eng super Geleeënheet, och Ären digitalen Apparater neit Liewen ze schenken!

Wärend eis Repairer sech ëm Är Objete këmmeren, kënnt Dir et Iech an eiser gemittlecher Kaffisstuff bequeem maachen. 

Praktesch Informatiounen

• Datum: Samschdeg, 22. November 2025
• Zäit: 14:00 bis 17:00 Auer
• Plaz: Centre Culturel Camille Ney, Ell
• Präis: GRATIS
• Kontakt: 28 334-040 oder repaircafe@kanton-reiden.lu