D’Wandrad vu Biekerech ass ageweit!

D’Aweiung vum Wandrad zu Biekerech war ee vun den Héichpunkte vum vergaangene Mount. A Präsenz vum Wirtschaftsminister Lex Delles ass d’Wandkraaftanlag offiziell a Betrib geholl ginn. 

De Paul Kauten vun Energy Revolt huet a senger Ried d’Konzept vun der Energiegemeinschaft Biekerech engem breede Public virgestallt. D’Grondiddi ass dobäi, datt de lokal produzéierte Stroum och lokal genotzt ka ginn.

D’Energiegemeinschaft limitéiert sech net nëmmen op d’Wandenergie, mee kann och d'Solarstroumproduktioun vun de villen Photovoltaikanlagen an der Gemeng integréieren. 

Um Uschloss vun der Aweiung hat den interesséierte Public d’Méiglechkeet, d’Wandanlag vu  ganz noem a vu bannen z’entdecken. 

Den Entwéckler vun der Anlag war op der Plaz, fir technesch Detailer a weider Informatiounen ze liwweren.