Kanton Réiden Tourisme

De Summerrallye war ee grousse Succès

Veröffentlicht: 19/09/2025 - 11:57

Aktualisiert: 02/10/2025 - 12:10

1 Minute

Am Summer hunn de Service Tourisme & de Service Vivre Ensemble vum Kanton Réiden nees hire Summerquizrallye organiséiert. Dëst Joer war d’Thema Katrin Theis.

Och wann déi 41 Froen / Aufgaben dës Keier wuel e bëssche méi schwéier waren, hunn eis insgesamt 93 Persoune gehollef, de Fluch vum Katrin Theis ze briechen. Mir soen hinnen villmools Merci dofir.

D’Participante konnten esou vill Froe beäntwerte, wéi si wollten. Schlussendlech hu 4 Persoune mat der héchster Punktzuel Präisser kritt. Dobäi gouf verloust:

1 Iwwernuechtung am Hotel La Différence zu Viichten mat 2 Cocktails
1 Corbeille vun op der Schock
150€ Consommatiouns-Bong am Hotel-Brasserie Péitche Lauer
1 Escape Room am Schifermusée mat enger Descente an den Souterrain Johanna

No dësem Succès, wäert och 2026 nees ee Summerrallye organiséiert ginn. Fir d’Waardezäit ze verkierzen, denkt och gären un eis Wanter- an Ouschterquizzer!

Mir freeën eis op Är nächst Participatioun.

Teilen auf