Hëlleft mat Korkestëpp ze sammele fir een Assistenzmupp!

An der Schoulrentrée huet d’Gemeng Préizerdaul e Concours gestart:  et geet drëm fir esou vill wéi méiglech Korkestëpp – vu Wäin- a Schampesfläschen – ze sammelen. Firwat dës Korkestëpp gebraucht ginn, gitt Dir an dësem Interview mat der Responsabel vun dëser Aktioun, dem Arlette Hoffmann vun der Préizerdauler Gemeng gewuer.  

Firwat sammelt Dir Korkestëpp?  

Korkestëpp gi gesammelt fir Assistenzhënn vun der ASA – Amicale vun der Schoul fir Assistenzhonn asbl -  ze parrainéieren.

Wéi vill Stëpp ginn am Duerchschnëtt gebraucht, fir en Assistenzhond ze finanzéieren?

Et ginn 9.721.627 Korkestëpp gebraucht fir 1 Assistenzhond mat senger ganzer Ausbildung ze finanzéieren.  

Wéi ka jidderee sech un dëser Aktioun bedeelegen?

Einfach Korkestëpp sammelen an Ärer Maison Relais oder op Ärer Gemeng ofginn. D’Aktioun leeft bis den 30. Juni 2026.  

Wat ass fir Iech perséinlech d’Motivatioun fir un dëser Sammelaktioun deelzehuelen?

Meng Motivatioun fir ASA ze ënnerstëtzen ass entstanen, wéi ech de Replay, en Assistenzhond, kennegeléiert hunn. Meng Duechter, d‘Aline Kuffer, schafft mat Kanner à besoin spécifique, an de Replay assistéiert dobäi.  

Doheem ass de Replay e ganz normale Mupp, deen och mol Topegkeete mécht. Mee soubal hie moies op d’Aarbecht fiert, ass en e ganz aneren Hond: hie weess genee, wat en ze dinn huet, a mécht seng Aufgab mat vill Léift a Gedold.

Ech sinn iwwerzeegt, datt d’Muppe vun ASA eng grouss Beräicherung op hiren Aarbechtsplazen duerstellen.

Kontakt bei Froen:

Arlette Hoffmann, Gemeng Préizerdaul, T. 26 62 99 190 (moies)