Aweiung vum touristesche Vakanzenhaus zu Kaalmes

En Donneschden, de 12. Juni 2025 gouf dat touristescht Vakanzenhaus zu Kaalmes offiziell ageweit.

No de Riede vum Buergermeeschter Gérard Zoller an dem Här Minister Eric Thill konnten d’Leit sech bei engem flotte musikaleschen Encadrement vu Wa-Ta Touille ënnereneen austauschen.

Mat engem Oldimerbus vu Carbon goufen d’Visiteure vun der Aler Molkerei bis bei d’Vakanzenhaus gefouert, wou se sech du selwer ee Bild vun dem nei renovéierte Gebai konnte maachen.

Bei dëser fréierer Duerfschoul trëfft Geschicht op Confort an d‘Touriste kënnen hei bei enger flotter a friddlecher Panorama-Siicht gutt zur Rou kommen an ofschalten.

Fir Fräizäit Aktivitéiten ass mat de sëllege Vëlos- an Trëppelweeër uechter d’Géigend och gesuergt an owes kënnen d’Visiteure vum Vakanzenhaus hire Vëlo sécher an enger Vëlosgarage ënnerbréngen.

D’Vakanzenhaus huet 5 Schlofkummere mat eegenem Buedzëmmer. D’Vakanzenhaus ass ideal fir Familljen, Frënn, Gruppenausflich oder och fir eenzel Persounen.

Bis zu 10 Leit kënnen hei bequeem Plaz gebuede kréien.

Buchen kann een d’Vakanzenhaus iwwer www.simpleviu.com