Butzendag de 4. Juli 2025 bei A Butzen Ell

Eise Butzendag war och dëst Joer e richtegen Highlight fir eis grouss Butzen, déi am Hierscht an d'Schoul ginn. Fir si hu mir en Dag voller Entdeckungen, Spaass a schéine Momenter organiséiert.

Den Dag huet mat engem spannende Besuch op der Foire Agricole zu Ettelbréck ugefaangen. D’Kanner konnte vill entdecken, erliewen a léieren – an dat alles op eng spilleresch Manéier. Et war e richtegt Erliefnis, mat villen Aha-Momenter a Geleeënheeten Neies ze entdecken. 

All Kand hat e selwer gemoolten T-Shirt, deen et extra fir dësen Dag virbereet hat – eenzegaarteg a faarweg, genee wéi hat selwer!

Owes sinn d’Elteren op Besuch komm, an de Butzendag huet bei engem Patt an engem klengen Maufel, deen d’Elteren matbruecht hunn, e gemittlechen Ofschloss fonnt. Et war eng schéi Geleeënheet fir sech auszetauschen an zesummen de Moment ze genéissen.

Als Erënnerung un dëse flotten Dag krut all Kand eng kleng Tut mat e puer Kaddoen –e kleng Geste, dee mat grousser Freed entgéintgeholl gouf!

D’Kanner waren um Enn vum Dag zwar midd, mee ganz houfreg a glécklech iwwer dat, wat si erlieft hunn.

All Joer erëm e wonnerschéinen Dag, op dee mir eis freeën!