Repair Café Kanton Réiden: Samschdes den 14. Juni 2025 zu Groussbus

Kommt mat Äre futtissen Apparater oder Ärem platte Vëlo, Ärer Box mat engem Lach oder mat Äre stompe Messeren op Groussbus. Zesumme mat eise fachmänneschen Hobby-Repairer kucke mir Är Saachen ze flécken an hinnen een 2. Liewen ze ginn. 

Wéini?

Samschdes, 14. Juni 14h00-17h00

Wou? 

Festsall 1, rue de Bastogne, Groussbus
https://maps.app.goo.gl/1o1W6vFJLDLKd36n7

Parking? 

Abuchtung fir de Schoul-Bus, bei der Gemeng,… 

Wéi eng Ateliere ginn ugebueden? 

• Elektrogeräter & Elektronik
• Vëlo
• Bitzen
• Schläifen. 

Et leeft ëmmer ouni Umeldung, jiddereen ass wëllkomm a wann Dir zefridde sidd, kënnt Dir eppes an d'Tip-Box leeën. 

Et gëtt Kaffi & Kuch zerwéiert.

Mir freeën eis op Äre Besuch.