Café des langues

An Zesummenaarbecht mam Pakt vum Zesummeliewen an der Commission Communale du Vivre-Ensemble et Interculturel vu Biekerech organiséiert de Club Atertdall e Sproochecafé.  

Et ass souwäit – eise Sproochecafé geet un den Start!

Eng gemittlech a geselleg Zesummekunft, bei där den Austausch a verschiddene Sproochen am Mëttelpunkt steet.

Wëllt Dir Iech gären an Ärer Mammesprooch ënnerhalen, eng nei Sprooch kenneléieren oder eng bal vergiess Sprooch erëm opliewen loossen? 
Mir starten mat 4 Sproochendëscher: Lëtzebuergesch, Français, English an Italiano.

D’CCVEI invitéiert Iech häerzlech op dat éischt Gedrénks. 
Wann Dir eng vun dëse Sprooche gutt beherrscht a Freed um Gespréich hutt, da mellt Iech gären bei eis. 
Pro Dësch brauche mir eng Persoun, déi d’Ronn begleed a strukturéiert.

Braucht Dir eng Transportméiglechkeet? Da sot eis gären Bescheed!

Donneschdes: 17.04 – 22.05 – 19.06 – 17.07 – 18.09 – 23.10 – 27.11
Um 19h00 bis 20h30 
Den 17.04 an de 22.05 an der Brasserie Millespënnchen – Beckerich (103, Huewelerstrooss)

Umeldung vu Méindes bis Freides, tëscht 09h00 a 12h00 
Tel.: 27 55 33 70