Foyer de Jour A Butzen

Fréijoersfreed an der Crèche A Butzen

Veröffentlicht: 24/03/2025 - 14:07

Aktualisiert: 26/03/2025 - 14:13

1 Minute

Endlech ass de Fréijoer do! D’Deeg ginn méi laang, d’Sonn schéngt erëm méi, an iwwerall fänkt et un ze bléien. Beim Foyer de Jour A Butzen profitéiere mir vun dëser schéiner Joreszäit a verbréngen esou vill wéi méiglech Zäit dobaussen.

Eis grouss Gäärt invitéieren d’Kanner fir ze spillen, ze klammen an d’Natur z’entdecken. D’Spillplazen an der Ëmgéigend bréngen Ofwiesslung, an op de Feldweeër an am Bësch, kënne mir flott Spadséiergäng maachen. D’Kanner erliewen d’Natur mat all hire Facetten – d’Fréijoersblummen entdecken, de Villercher nolauschteren oder Naturmaterial sammelen fir kreativ Bastelprojeten.

Mir freeën eis op eng wonnerbar Fréijoerszäit mat vill Bewegung, frëscher Loft a spannenden Entdeckungen!

D’Equipe vun de Foyers de Jour A Butzen Ell a Räichel .