Pot de Bienvenue fir déi nei Bierger aus der Gemeng Rammerich

D’Gemeng Rammerich huet den 1. Mäerz all hir 407 nei Matbierger op e Pot de Bienvenue invitéiert. D’Buergermeeschtesch Myriam Binck huet a Präsenz vum Gemengen- a Schäfferot den neie Matbierger alles Guddes an Zefriddenheet op hirem Liewenswee an der schéiner Gemeng Rammerich gewënscht.  

Ganz flott war och, dass vill vun de Veräiner, déi an der Gemeng Rammerich aktiv sinn, beim Pot mat engem Stand vertruede waren. Esou konnte sech déi nei Matbierger e Bild vun hiren Aktivitéite maachen a sech aschreiwen.  

Bei engem gesellege Patt huet och jiddereen e klenge Kaddo als Unerkënnung vun der Gemeng iwwerreecht kritt.