D’Gemeng Biekerech kritt en neie Schoulcampus

De Bau vum neie Schoulcampus, deen hannert d’Sportshal zu Biekerech kënnt, geet gutt virun a leeft no Plang.

D'Aarbechte vum Keller a vun de Bëtons-Trapenhaiser si fäerdeg, sou datt zur Zäit de Montage vun der Holzstruktur vum lénke Fligel vum Gebai, an d'Massivholz-Maueren an d'Holzdallen am Gaang ass . 
Gläichzäiteg ginn am Keller déi technesch Installatiounen, wéi d'Ventilatioun, montéiert.

D’Schoulkanner duerfe viraussichtlech fir d’Rentrée 2026 dat neit Schoulgebai aweien.