Gutt besichte Repair Café zu Biekerech

Samschdes, den 18. Januar huet den éischte vu järlech véier Repair Caféen vum Kanton Réiden zu Biekerech stattfonnt. Et gouf fläisseg gefléckt a vun de 35 futtisen Objekter konnten ëmmerhin 21 vun hire gléckleche Besëtzer gefléckt mat heem geholl ginn. 

Nach net esou ganz bekannt ass, dass de Repair Café och elo Repairer a sengem Team huet fir Vëloen ze flécken, kleng Bitzaarbechten a Schläifaarbechten  ze maachen.

Profitéiert vun dëser Offer a notéiert Iech déi nächste RDVen. 
Mir soen alle Bedeelegten e ganz grousse Merci fir hiren Asaz an hier kostbar Zäit. Villmools Merci och der Gemeng Biekerech fir déi super Virbereedung vum Sall.

Den nächste Repair Café ass Samschdes, den 29. Mäerz vu 14-17 zu Useldeng am Centre Culturel.

Déi 2 RDV duerno sinn: 

• Samschdes, de 14. Juni vu 14-17 zu Groussbus am Festsall
• Samsdes den 22. November vun 14-17 zu Ell am Centre Culturel.