Eng Ëmfro fir d'Veräiner am Kanton

Am Kader vum Pakt vum interkulturellen Zesummeliewe wäert de Kanton Réiden op d’Initiativ vun der CCVEI Préizerdaul an den nächsten Deeg d'Veräiner aus eisem Kanton kontaktéieren. 

D'Veräiner ware schonn ëmmer déi Plazen, wou d'Leit zesummekommen a wou nei Bierger an d'Gesellschaft integréiert ginn. Dofir wëlle mir elo vun de Veräiner erausfannen, wéi een erfollegräicht Zesummeliewen ausgesäit a wéi mir als Pakt vum interkulturellen Zesummeliewen d'Veräiner an dëser wichteger Aufgab besser kënnen ënnerstëtzen.