Empfang fir déi nei Bierger aus der Gemeng Biekerech

De 14. Dezember huet d'Gemeng Biekerech eng Traditioun erëm opgeholl, déi leider duerch Corona ënnerbrach gouf: D'Kommissioun vum Interkulturellen Zesummeliewen an d'Ëmwelt- a Mobilitéitskommissioun hunn am Numm vun der Gemeng all d'Awunner, déi an de leschten zwee Joer an d'Gemeng geplënnert waren, zu engem Brunch mat regionalen a Fairtrade Produiten invitéiert. 

Bei dëser Geleeënheet huet de Buergermeeschter, den Thierry Lagoda, d’Gemeng Biekerech virgestallt an déi nei Bierger offiziell begréisst.