De Kanton Réiden Magazine

Schéckt eis Är Liblings-Wanterfoto oder Är gutt Noricht!

Veröffentlicht: 09/12/2024 - 11:44

Aktualisiert: 24/12/2024 - 11:51

1 Minute

An eisem neie Regionalmagazin hu mir eng Säit virgesinn, wou mir déi flottste Fotoen vun Iech, léif Awunner, wëlle publizéieren. Dir hutt iwwer déi leschte Méint bestëmmt schéi Momenter an eisem prächtege Kanton festgehalen – deelt se mat eis!
Mir soen Iech schonn elo villmools Merci a si ganz gespaant op Är Impressiounen! :-)

Mir sichen och no gudden Norichten! An enger Welt, déi leider dacks vu negative Schlagzeilen dominéiert gëtt, wëlle mir an eisem Magazin Raum fir dat Positiivt schafen. Schéckt eis wgl inspiréierend Geschichten, freedeg Neiegkeeten, oder e schéine Réckbléck op e froue Moment. Mat Ärer Hëllef kënne mir Äert Laachen an déi gutt Energie mat Äre Matbierger deelen.

Schéckt eis Är Liblingsfoto an Är gutt Noricht op magazine@kanton-reiden.lu – bis spéitstens den 1. Mäerz!

Teilen auf