Vill Besuch beim Repair Café am Préizerdaul

Samschdes, den 9. November huet am Centre Culturel Op der Fabrik vum Préizerdaul de 4. Repair Café vun dësem Joer stattfonnt. 
Nieft dem traditionelle Flécke vun Elektrogeräter ware fir d'éischte Kéier och een Atelier fir kleng Bitzaarbechten an e Schäifatelier vertrueden. 

Vun den insgesamt 28 Objekter, sinn der 12 vun de Repairer an de Besëtzer zesumme gefléckt ginn, 7 konnten deelweis gefléckt ginn oder brauchen een neit Ersazstéck a 7 Apparater kruten d'Repairer an d'Besëtzer leider net méi un d'Goen. 

Mir soen eisen treie Repairer e ganz grousse Merci fir hiert Engagement an all de Visiteure fir hier Participatioun. 

Dir kënnt Iech schonn d'Datumer vun den nächste Repair Café'en am Kanton Réiden notéieren: 

• 18. Januar 14H-17H: Centre Culturel Beckerich
• 29. März 14H-17H: Centre Culturel Useldange
• 14. Juni 14H-17H: Festsall Groussbus
• 22. November 14H-17H: Centre Culturel Ell