De Kropemannspad gouf zu Réiden ageweit

D'Gemeng Réiden huet zesumme mat SICONA e Fousspad hannert den Haiser vun der Groussgaass ageweit. 

Op bal 500m kann een elo roueg duerch  d'Natura2000 Gebitt mat schéiner Vue op d'Atert  trëppelen. Dräi Steege sinn integréiert ginn fir déi natierlech Quellen ze schützen. E Bongert assuréiert en harmoneschen Iwwergang tëschent der urbaner Zone an der Atert an eng extensiv Beweedung dréit zur positiver Entwécklung vu wäertvolle Fiicht a Moerwise bäi. 

Infotafelen gi weider Informatiounen iwwer dësen ekologesche Projet a sensibiliséiere de Publikum. 

Den Accès ass um Parking hannert der aler Brauerei / Réidener Spënnchen, respektiv an der neier Cité Un der Atert.