Happy Anniversary Gemeng Groussbus-Wal!

No laanger intensiver Preparatioun, war et den 1. September 2023 souwäit, aus den zwou Gemenge Groussbus a Wal aus dem Kanton Réiden, ass eng gemeinsam Gemeng ginn; d’Gemeng Groussbus-Wal.

Den 21. September 2024, no bësse méi wéi engem Joer, hu mir den éischte Gebuertsdag vun der neier Gemeng am Kader vun engem grousse Fusiounsfest zu Randschelt gefeiert. An engem flotte familiäre Kader an dem klengsten Duerf am Land gouf dëst Fest zesumme mat ville Politiker an de Bierger a Biergerinnen aus der Gemeng gefeiert.