Aweiung vum Gîte zu Randschelt

Dat aalt Paschtoueschhaus zu Randschelt krut eng nei Funktioun a gouf zu engem moderne Gîte fir Touristen ëmgebaut. 

Déi offiziell Aweiung huet am Kader vum Weekend vum Wëlle Westen stattfonnt. Dobäi hat jidderee Geleeënheet, de Gîte vu bannen ze besichen an sech e Bild vun dësem gelongene Renovatiounsprojet vun der Gemeng Groussbus-Wal ze maachen. 

Mat senge véier Schlofkummeren an zwee Buedzëmmer bitt de Gîte Plaz fir bis zu aacht Persounen. Nieft enger komplett equipéierter Kiche verfüügt en iwwer e groussen duebele Salon, eng gemittlech Salle à manger an eng Terrass. Eng Sauna ass zousätzlech virgesinn a wäert geschwënn installéiert ginn. 

D’Reservatioune lafen ab Mëtt Juli iwwer: https://www.simpleviu.com/ un.