Wandpark Kanton Réiden

Wandpark Kanton Réiden – de Montage vun den Tierm leeft op Héichtouren!

Veröffentlicht: 27/01/2026 - 09:46

Aktualisiert: 27/01/2026 - 12:03

1 Minute

D’Tierm ginn an zwou Etappe gebaut. An enger éischter Phas gëtt mat engem méi klenge Kran den ënneschten Deel vun den Tierm opgeriicht – bis op eng Héicht vun ongeféier 70 Meter. Dobäi handelt et sech ëm Bëtonselementer. Fir dës éischt Etapp muss mat ronn 1 bis 2 Wochen Aarbecht gerechent ginn, ofhängeg vun de Wiederkonditiounen. Sou hunn zum Beispill de Schnéi oder de bestännegen Niwwel vun de leschte Wochen d’Aarbecht vun de Montage-Ekippen erschwéiert.

An der zweeter Phas kënnt een zweeten, vill méi héije Kran zum Asaz (ronn 150 Meter héich). Mat dësem Kran ginn dräi Elementer vu jeeweils 25 bis 30 Meter op déi scho placéiert Bëtonsektioune gesat.

Och d’Gondel an déi dräi Flilleke ginn an dëser Phas montéiert an zesummegesat.

Teilen auf