522 Energieberodungen fir d’Bierger vum Kanton Réiden am Joer 2025

Gratis Energieberodung fir d'Awunner aus dem Kanton Réiden

Am Laf vum leschte Joer huet de Service Environnement vum Kanton Réiden am ganzen 522 Energieberodungen bei den Awunner aus eisen 9 Gemengen gemaach.

De Berodungsservice ass gratis fir all Awunner aus dem Kanton Réiden a gëtt vun den 9 Gemenge matfinanzéiert.

Eisen Energieberoder informéiert Iech iwwer Är Méiglechkeeten an d’Prozedure
ronderëm: 

• Renovatiounen an Neibauten: Isolatioun, Heizsystemer, Lëftungsanlag a méi
• Erneierbar Energien: Photovoltaik, Solarthermie, Holz, Geothermie
• Elektromobilitéit & Luedstatiounen
• Energiespueren doheem & Fiichtegkeetsproblemer
• Subsidien: staatlech & lokal Subsidien, enoprimes, FNN

Subsidenufroe fir Sanéierung, Neibau an erneierbar Energien

Den Energieberoder vum Kanton Réiden beaarbecht a kontrolléiert d’Subsidenufroe fir Sanéierung, Neibau, erneierbar Energien vu 7 vun eise Gemengen (Biekerech, Ell, Groussbus-Wal, Préizerdaul, Réiden, Sëll, Viichten).

Wënscht och Dir Iech eng gratis Energieberodung? 

Da mellt Iech beim Service Environnement.

Tél. : 28 33 44 
Mail : environnement@kanton-reiden.lu