D‘Gemenge Biekerech an Ell goufe beim European Energy Award Gold geéiert

D’Gemenge Bieckerech an Ell goufen de Freideg, den 7. November 2025, fir hir Efforte géint de Klimawiessel ausgezeechent!

Dank hirem kontinuéierlechen Asaz iwwer vill Joren am Kader vum Klimapakt 2.0 hunn déi zwou Gemengen jeeweils 82% beim Zertifizéierungs-Audit 2025 erreecht.

D’Gemengen engagéieren sech net nëmmen an hirer Verwaltung, mee ënnerstëtzen och hir Awunner beim Ausbau vun erneierbaren Energien, bei der Energieeffizienz duerch d’Sanéierung vu Gebaier, beim Waasserspueren, an der Zirkulärwirtschaft an och bei Moossnamen zur Upassung un de Klimawiessel.

Dëst laangjäregt Engagement gouf op internationalem Niveau belount, bei der Zeremonie vun der Präissiwwerreechung zu Saas Fee an der Schwäiz. 
D’Lëtzebuerger Delegatioun war staark vertrueden: am Ganzen si 15 Gemengen aus eisem Land de Wee op Saas Fee gereest, fir dëse Präis entgéintzehuelen.

Mir felicitéieren de Gemenge fir hir beispillhaft Aarbecht, fir de künftege Generatioune eng liewenswäert Welt ze bidden!