D’Äerdschëff invitéiert op de Forum Expert – Bierger « Smart City »

Dëse Forum gëtt den 18. Oktober vun der asbl Äerdschëff organiséiert an ass Deel vum LEADER-Programm Wëlle Westen. E markéiert déi éischt Etapp vun engem Prozess vu participativer Demokratie. Virum Evenement sammelt d‘Äerdschëff asbl d’Erwaardungen an d’Suerge vun den Awunner iwwer en Online-Questionnaire, deens Du hei fënns:

Dës Virbereedung erméiglecht et, d’Diskussioun direkt op konkret Besoinen opzebauen an de Forum u déi lokal Gegebenheeten unzepassen. Deelt also gären Är Iddien, Är Besoinen an Är Wënsch mat eis – fir e Kanton, dee méi resilient, méi solidaresch a méi nohalteg ass.

D’Resultater vun dëse Consultatioune ginn op dräi themateschen Dëscher opgedeelt, déi wärend dem Forum proposéiert ginn.

De Forum dauert 2 Stonnen an ass fir jiddereen zougänglech ass. Déi éischt Stonn ass fir d’Presentatioun vun den Intervenanten an hire Projete reservéiert; déi zweet Stonn ass der Biergerbedeelegung gewidmet, mat dräi Dëscher: « SmartMobility », « SmartEnergy » a « SmartRessources ».

Datum & Auerzäit : 

18. Oktober 2025, 12h00-15h00

Plaz:

Äerdschëff – 1, rue du lycée, L-8508 Réiden/Attert

Virdru gëtt ab 12:00 Auer e klenge gesellege Moment ugebueden: DIY Pizza. Jidderee ka seng eege Pizza am mobile Pizzauewe preparéieren. Alles Néideges gëtt gestallt. Präis: gratis (soulaang de Stock et erlaabt).