Neien Energielabel fir Trockner an doduerch Adaptatioun vun de Primme fir Trockner

Neien Energielabel fir Trockner – Wat huet sech op den 1. Juli 2025 geännert

Säit dem 1. Juli 2025 gëllt en neien europäeschen Energielabel fir Trockner. En ersetzt déi Klassen A+++ bis D déi et bis elo nach goufen duerch eng nei Skala vun A bis G, déi méi streng an iwwersichtlecher ass. Dës Ëmstellung ass de Wandel zu enger méi usprochsvoller an technologiegerechter Kennzeechnung.  

All déi aner Geräter wéi Wäschmaschinn, Frigo asw. hu schonns säit e puer Joer déi nei EU-Energieklass.

En Trockner mat der neien Energieklass B verbraucht also manner Stroum wéi méi en aalt Gerät mat der Klass A+++

Den neie Label weist ausserdeem zousätzlech:

• de Stroumverbrauch a kWh pro 100 Standardzyklen (Baumwolle Eco),
• d'Programmdauer,
• de Geräuschpegel,
• d'Beluedungskapazität,
• e QR-Code, deen zur kompletter technesche Produktinformatioun an der EU-Datenbank EPREL féiert.

WICHTEG ! fir de Subside vun de Gemengen:

• Fir Trockner, déi bis zum 30.06.2025 kaf gi sinn, kritt een nach fir déi al Klasse A+++ e Subside.
• Fir Trockner déi ab dem 01.07.2025 kaf gi sinn, musse mindestens déi nei Energieklass B hu fir e Subside ze kréien.