472 Energieberodungen fir d'Bierger vum Kanton Réiden

Am Laf vum leschte Joer huet de Service Environnement vum Kanton Réiden am ganzen 472 Energieberodungen un d'Awunner aus eisen 9 Gemengen ginn. Dat ass eng Hausse vu 5% par rapport zum Joer virdrun. 

• 190 Berodunge goufe via Telefon oder Mail erfollegt, 
• 133 Berodungen sinn am Büro vum Service (43, grand-rue) gemaach ginn
• 149mol ass eisen Energieberoder bei d'Clienten heemgefuer fir eng Berodung op der Plaz ze ginn. 

Dëse Service ass gratis fir all Awunner aus dem Kanton Réiden a gëtt vun den 9 Gemenge matfinanzéiert. 

Eisen Energieberoder informéiert Iech ëmfaassend iwwer Méiglechkeeten, Prozeduren a Subsidien ronderëm:  

• Renovatiounen an Neibauten: Isolatioun, Heizsystemer, Lëftungsanlag a méi
• Erneierbar Energien: Photovoltaik, Solarthermie, Biomass, Geothermie  
• Elektromobilitéit: Elektroautoen, E-Bikes, Luedstatioune  
• Energiespueren doheem & Feuchtigkeitsproblemer  
• Subsidien: staatlech & lokal Subsidien, enoprimes, FNN  

Wënscht och Dir Iech eng Energieberodung, da mellt Iech :

Tél. : 28 33 44 
Mail : environnement@kanton-reiden.lu